مش دايت وبس،دي منظومة متابعة طبيةبتعالج السبب ونتيجتها تدوم
نظام مبني على تقييم شامل لحالتك الصحية والنفسية وعاداتك، بمتابعة حقيقية تخليك توصل لهدفك وانت مطمن إن في سند طبي جنبك.
الخدمة الشاملة لـ NutriOmar
هدفنا إنك تعمل دايت صح، ونعالج صحتك وعاداتك، فالموضوع مش مجرد أكل، ده اهتمام حقيقي بيك وبيومك وعلاقتك بالأكل عشان توصل لتطور حقيقي في صحتك الجسدية والنفسية.
نظام مبني على تقييم شامل
النتيجة أساسها نظام متفصّل على حالتك انت، بعد تقييم طبي شامل لصحتك ونفسيتك وعاداتك وأسلوب حياتك.
متابعة حقيقية، مش مجرد رد
مش بنجاوب سؤالك وخلاص، بنهتم بيومك وبحياتك وباللي بيأثر على نفسيتك وعاداتك، عشان نقدر نساعدك بشكل شامل.
أنظمة واستراتيجيات طبية متطورة
فريق طبي بيبني النظام على حالتك الصحية، وبيتابع تقدم الأعراض والتحاليل بدقة.
حلول للي بيوقفك دايمًا
طرق تشخيص وتقييم مبتكرة لكسر ثبات الوزن، وتقليل الالتهاب، ورفع معدل الحرق، عشان جسمك يبدأ يستجيب فعلًا.
المتابعة اليومية
هدفها إنك تلتزم، وعاداتك تتغير، فالنتيجة تفضل معاك.
- بنبني الالتزام معاك، مش بنطلبه منك:بنشجعك وبنعدّل الخطة على يومك ومتغيرات حياتك.
- بنعالج سلوكك الغذائي:الأكل العاطفي، وتخريب الدايت، وصعوبة الالتزام والعادات.
- بنعلّمك تختار لوحدك:فتعرف تتصرف في العزومة والسفر والخروجات بدون تخريب.
- متابعة طبية:لكل الأعراض وتحسنها، وتغيير الخطة الغذائية والدوائية تبعًا للتقييم المستمر من د. عمر.
فريق طبي،
فبنبدأ من حالتك الصحية قبل الوزن
حقن التخسيس
نحدد جاهزيتك واحتياجك الصحي، ونحافظ على عضلك وصحتك أثناء الحقن وخسارة الدهون، وبعدها كمان.
نقص الفيتامينات والمعادن
نكتشف النقص من الأعراض والتحاليل، ونعالجه بالأكل والمكملات.
أمراض المناعة والجهاز الهضمي
نحدد الأكل اللي بيزوّد الأعراض، ونبني نظام يريّح جهازك الهضمي.
سكر نوع تاني، الغدة، مقاومة الإنسولين
نظام مظبوط على تحاليلك وأعراضك، يحسّن السكر ويساعد الوزن ينزل.
التكيسات، صعوبة الحمل، بطانة الرحم المهاجرة
نشتغل على الهرمونات والالتهاب والوزن مع بعض، ونساعد في إدارة الأعراض.
الحمل والرضاعة
نظام طبي مناسب لكل مرحلة للحفاظ على صحة الأم والجنين والطفل.
إعادة تشكيل الجسم
نظام محسوب بدقة متناهية لدهون أقل وعضل أكتر، مش رقم على الميزان بس.
النحافة والضعف العام
نظام صحي بالأكل فقط لزيادة الوزن، باستراتيجية متدرجة صممها د. عمر.
ودي أشهر الحالات بس. الفريق بيتابع حالات صحية تانية كتير، زي الكبد الدهني، والكوليسترول والدهون الثلاثية، والضغط العالي، والنقرس، والمتابعة بعد عمليات السمنة، وغيره.
NutriOmar Anti-inflammatory Diet
نظام صممه د. عمر حسام لتقليل الالتهاب وتحسين الصحة العامة.
الأنسب لـمقاومة الإنسولين والتكيسات، وبيساعد في إدارة أعراض بطانة الرحم المهاجرة والجهاز الهضمي.
مبني على اختبارات تشخيصية لاختيار الأكل المناسب لكل شخص، مع متابعة للأعراض وحدتها ثم وضع خطة مستمرة.
وعشان دي عملية طويلة ومحتاجة دقة، بنطبّقها مع مشتركينا تحت متابعة الفريق الطبي.
مجرب بنجاح على مدار سنين مع آلاف الحالات.
عارف كل خطوة من أول يوم
- 1تقييم كامل:جسدي وصحي ونفسي وسلوكي، بنسمعك ونعرف احتياجك.
- 2الاستراتيجية:نحدد أنسب نظام أكل ومتابعة لحالتك، ونشرحهولك.
- 3النظام:يوصلك مكتوب خلال 24 ساعة، والمتابعة تبدأ من أول يوم.
- 4المتابعة:يومية على الواتساب، والنظام بيتراجع ويتعدّل بشكل دوري بعد مكالمة تقييم.
- 5بعد المتابعة:نتيجة مستدامة على وزنك وجسمك وصحتك مش بس رقم ميزان.
طبيب وفريق طبي
د. عمر حسام
طبيب بشري وأخصائي تغذية معتمد دوليًا، ومؤسس وCEO لـ NutriOmar للتغذية العلاجية. اتعامل على مدار سنين مع آلاف الحالات.
«أنا نفسي خسيت 49 كيلو بين 2019 و2020، بعد ما جربت كل أنواع الدايت والحرمان، وبعدها مريت بمرحلة صعبة نفسيًا والوزن رجع. والتجربة دي هي اللي دخلتني مجال التغذية. ساعتها فهمت بنفسي إن الأكل مرتبط بالنفسية والعادات مش بالنظام بس، وعلى الفهم ده بنيت منهجية NutriOmar وفريقها.» د. عمر
الفريق الطبي
فريق من الأطباء، والصيادلة، وأخصائيين في التغذية العلاجية، تدربوا على منهجية NutriOmar نفسها. كل مشترك له أخصائية ثابتة بتتابعه كل يوم، وكل حالة بتتعرض على د. عمر بشكل دوري.
آراء العملاء
من رسايل مشتركينا بعد المتابعة، منشورة بإذنهم.
من شات المتابعة، ومعاه 20 كيلو أقل.
نفس الحالة بعد سنة: التراكمي نزل أكتر، والنتيجة استمرت. تحليلين من نفس المعمل، بإذن صاحبتهم.
«بعد 3 سنين بحاول اخس علشان فرص الحمل تزيد بس مع حضرتك خسيت ودلوقتي لسه عاملة التحليل وانا حامل»
«الاشتراك معاك شال الخوف من قلبي من ناحية الـonline nutrition advicing، وخلاتني أشوف ان في ناس professionnel وefficient وكمان على مستوى إنساني وتفهم عالي»
«النهاردة كدا خسيت 22 كيلو في اقل من 4 شهور… وكمان مشكلة الهضم والقولون عندي اختفت تماما»
«بقالى 15 سنه بتابع مع دكاتره وبعمل رجيمات عمرى ما شوفت النتيجة دى مع حد ومرتاحه كمان»
«انت غيرت فكرتي بجد عن الدايت… ده غير مقاومة الانسولين كمان رقبتي رجعت للونها ودي حاجه مفرحاني جدااا»
«قبل ما ابلش المتابعة رسمي نزلت 5 كيلو لحالي، ومعك نزلت اخرى 24 ومكملة… من لما بلشت الطريق تغيرت نفسيتي 360 درجة»
«نزلت 7 كيلو في شهر ونص… وحضرتك بعتلي ريكورد قبل كدة كل موقف قدام اكل هيبوظ الدايت الريكورد بقي بيزن في دماغي»
«نظام حياة مش مجرد نظام تخسيس… المتابعة أكتر من ممتازة على مدار 24 ساعة بكل إحترام وإحترافية… فى الخمس شهور خسيت حوالى 17 كيلو»
«عمري ما حسيت أن الدايت معاك صعب… ونزلت بسرعة جدا وف وقت قليل جدا… علي الرغم اني كنت بعك ومكنتش ملتزم اوي بس وصلت للوزن اللي حابه والشكل اللي حابه»
«ضيعت سنين وانا احاول… مكنتش قادر انزل، دلوقتي 81 والحمدلله ما تغلبتش خالص»
«كنت 94ك… وجاية أقول دلوقتي إني بقيت 73ك… وأهم حاجة مكنش بيعملي صداع عشان دي كانت مشكلتي مع أي دايت بعمله»
«بقيت 90kg… بجد كان بقالي فترة ثابتة مشوفتش الرقم ده»
«اول مره اخرج و اعرف اسيطر و اختار اكل من المسموح و اكون مبسوطه بأختياري»
← اسحب لقراءة باقي الآراء
ليه مفيش صور قبل وبعد؟
عشان خصوصيتك، ولأن أنا رافض أستخدم أجسام الناس في الدعاية، حتى لو وافقوا.
وعشان اللي بنوصله هو أثر على النفسية والسلوك والعادات والصحة قبل الميزان، فمش هختزل كل دا في صورتين جنب بعض. اللي بقدمه أشمل من كدا، ولما تتابع معانا هتعرف بنفسك.
د. عمر حسام
اختار المتابعة الأنسب لحالتك
أنسب وقت دلوقتي، مفيش ظروف مثالية، وكل تأجيل بيصعب المهمة بعدين!
الباقتين بيقدموا الخدمة الشاملة، اختار اللي يناسبك.
أرقى مستوى، لعدد محدود، معاك د. عمر شخصيًا من أول يوم لآخر يوم.
- مكالمة فيديو في البداية مع د. عمر
- تواصل مباشر ومكالمات في أي وقت
- متابعة يومية فردية معاه بنفسه
- تقييم جسدي وصحي ونفسي دقيق ومباشر
- شغل أعمق على البعد النفسي والسلوك الغذائي
- فريز مجاني لحد 3 مرات، ود. عمر معاك خلاله
بتبدأ بمكالمة مع د. عمر، وبعدها فريقه الطبي ماسك إيدك يوم بيوم تحت إشرافه الكامل.
- تبدأ بمكالمة مباشرة مع د. عمر
- متابعة يومية من أخصائية من الفريق الطبي على واتساب
- مكالمة كل 10 أيام لمراجعة تطوراتك
- عرض حالتك على د. عمر وتغيير النظام كل 10 أيام
- شغل على تغيير العادات وعلاقتك بالأكل
- فريز مجاني لحد مرتين
السعر بالجنيه للمقيمين داخل مصر فقط وبالدولار للخارج
أسئلة شائعة
جربت متابعة قبل كده وماكملتش، إيه المختلف؟
مفيش نظام جاهز ولا ردود محفوظة. نظامك متفصّل على يومك، وأخصائية عارفة حالتك بتتابعك كل يوم، ولو اتلخبطت بنعدّل الخطة معاك. وبنساعدك تلتزم وتكمّل.
هتعرفوا حالتي إزاي من غير كشف؟
بنبدأ بمكالمة مع د. عمر وتقييم مفصّل، وبنقرا تحاليلك وأعراضك، عشان نوصل لتشخيص كامل ونعرف تاريخك العائلي والمرضي وتاريخك مع الدايت.
لازم أعمل تحاليل قبل ما أبدأ؟
مش شرط. بعد التقييم بنقولك حالتك محتاجة إيه، ولو عندك تحاليل حديثة بنطلبها. متشيلش هم، إحنا معاك.
هتحرموني من الأكل اللي بحبه؟
لأ. النظام متفصّل على أكلك وذوقك، وإحنا ضد الحرمان المؤذي، لكن طبعًا مهتمين إنك تتعود على أكل أفضل.
هقيس تطوري إزاي؟
بنعلّمك تقيس وزنك ومقاساتك صح في البيت، وإحنا بنحلل تطورك وأعراضك.
بياناتي وصوري في أمان؟
محدش بيشوفها غير الفريق الطبي اللي بيتابعك. بنطلب صور للمتابعة، ومن حقك ترفض.
المتابعة إمتى؟
يوميًا على الواتساب، وفردية مش جروب. ابعت أي وقت، وإحنا كمان بنبعتلك، مع مكالمات دورية.
هل فيه تمرين ضمن النظام؟
لأ، إحنا فريق طبي للتغذية العلاجية. لكن لو بتتمرن، فإحنا هنساعدك بأفضل نظام.
لو حبيت أوقف أو أسترد فلوسي؟
لو غيرت رأيك خلال 14 يوم من الدفع وقبل مكالمة التقييم، فلوسك ترجعلك كاملة. وبعد ما تبدأ، ضماننا على الخدمة: لو ملقتش اللي وعدناك بيه، فلوسك ترجعلك. التفاصيل في الشروط والأحكام.
لو حصل ظرف ومش هقدر أكمل الفترة دي؟
تقدر توقف اشتراكك مؤقتًا مجانًا، والأيام دي بتتضاف على آخر اشتراكك. ولو ظرف صحي طارئ، بنتعامل معاه بشكل خاص. التفاصيل في الشروط والأحكام.
ينفع أشترك دلوقتي وأبدأ بعدين؟
أيوه. بتحجز بسعر الخصماشتراكك وقت ما تشترك، وتبدأ في الوقت اللي يناسبك. التفاصيل في الشروط والأحكام.
مش عارف أنهي باقة أنسب؟
اعمل التقييم المجاني، وهيطلعلك تقرير عن حالتك وترشيح للباقة والمدة المناسبة ليك.
غيّر جسمك، صحتك، ونفسيتك مع فريق واحد!
ابدأ بتقييم شامل، وفريق طبي يتابعك يوم بيوم. ولو متردد، اعمل التقييم المجاني ويرشّحلك الأنسب لحالتك.